Давлат статистика қўмитаси Ўзбекистонда 2022 йил январь–март ойларидаги ўртача иш ҳақи бўйича маълумот берди.

Кўрсаткични тузишда қишлоқ хўжалиги ва кичик бизнес субъектлари ҳисобга олинмаган, чунки улар йилига бир марта ҳисобот тақдим этади. Мамлакатда ўртача ойлик 3 миллион 426 минг сўм деб белгиланган, 2021 йилда бу кўрсаткич 2 миллион 876 минг сўмни ташкил қилган. Ўсиш суръати 119,1 фоизни ташкил этган.

Ҳудудлар кесимида нархлар қуйидагича келтирилган:

• Қорақалпоғистон Республикаси 2 миллион 925 минг сўм;
• Андижон ва Бухоро вилоятлари – 2 миллион 979 минг сўм;
• Жиззах вилояти – 2 миллион 669 минг сўм;
• Қашқадарё вилояти – 2 миллион 626 минг сўм;
• Навоий вилояти – 4 миллион 730 минг сўм;
• Наманган вилояти – 2 миллион 665 минг сўм;
• Самарқанд вилояти – 2 миллион 632 минг сўм;
• Сурхонадарё вилояти – 2 миллион 611 минг сўм;
• Сирдарё вилояти – 2 миллион 849 минг сўм;
• Тошкент вилояти 3 миллион 749 минг сўм;
• Фарғона вилояти – 2 миллион 592 минг сўм;
• Хоразм вилояти – 2 миллион 832 минг сўм;
• Тошкент шаҳри 5 миллион 211 минг сўм.

2022 йилнинг январь-март ойларида иқтисодий фаолият турлари бўйича энг юқори ўртача ойлик иш ҳақи банк, суғурта, лизинг ва кредит-воситачилик фаолияти соҳаларига тўғри келган ва 2021 йилнинг мос даврига нисбатан ўсиш суръати 131,2 фоизни ташкил этган.

Фаолият турлари бўйича ойлик иш ҳақи қуйидагича:

• Банк, суғурта, лизинг ва кредит-воситачилик фаолияти – 8 миллион 423 минг сўм;
  ахборот ва алоқа – 6 миллион 505 минг сўм;
• юк ташиш ва сақлаш – 4 миллион 559 минг сўм;
• саноат – 4 миллион 446 минг сўм;
• қурилиш – 4 миллион 154 минг сўм;
• савдо – 3 миллион 515 минг сўм;
• таълим – 2 миллион 517 минг сўм;
• соғлиқни сақлаш ва ижтимоий хизматлар кўрсатиш – 2 329 млн сўм.