Бир неча кундан буён тинимсиз ёғаётган ёмғир сабаб Марғилон шаҳар Гуравел МФЙ ҳудудида жойлашган Сафед тўда масжиди деворининг бир қисми қулаб тушди. Бу ҳақида Фарғона вилоят маданий мерос бошқармаси хабар берди.

Қайд этилишича, ҳолат юзасидан вилоят маданий мерос бошқармаси ходимлари томонидан ишчи гуруҳ тузилган.

Айни вақтда масъуллар масжид биносини ўрганиш ва унинг қолган қисмини асраб қолиш учун чора-тадбирлар кўришмоқда. 

Аввалроқ, Бухоро шаҳридаги «Талипоч қалъа дарвозаси» чап томонидаги қалъа деворининг бир қисми қулаб тушгани ҳақида хабар берилган эди.