Бугун, 15 май куни Ўзбекистон Миллий университетида жадид маърифатпарвар адиб, профессор Абдурауф Фитратнинг 140 йиллигига бағишланган халқаро илмий-назарий анжуман бўлиб ўтди.

«Профессор Абдурауф Фитратнинг адабий-илмий ва ижтимоий-сиёсий фаолияти жаҳон жадидшунослари талқинида» мавзуидаги мазкур анжуман унинг илмий-адабий ва ижтимоий-сиёсий фаолиятини ўрганиш, уни жаҳон маърифатпарварлари қаторида тарғиб этиш мақсадида ЎзМУ ва Ўзбекистон Ёзувчилар уюшмаси томонидан ташкил этилиб, унда Туркия, АҚШ, Озарбойжон университетларидан вакиллар иштирок этди.

Мазкур анжуман материаллари олти бўлимдан иборат бўлиб, унинг ҳар бир бўлимида Абдурауф Фитрат ижоди ва фаолиятининг муфйян қирраси ўз аксини топган. 70 дан ортиқ мақолаларни ўз таркибига олган мазкур тўплам профессорўқитувчилар, мутахассис ва тадқиқотчилар, докторант ва изланувчиларга мўлжалланган.