Аввалроқ Ўзбекистон учувчисиз самолётларни сотиб олиши ҳақида хабар берилган эди. Мудофаа вазирлиги матбуот хизмати ушбу хабар юзасидан расмий муносабат билдирди.

Қайд этилишича, Ўзбекистон қурол-яроғ ва ҳарбий техника халқаро бозорини доимий равишда кузатиб боради. Аммо Ўзбекистонда учувчисиз учиш аппаратини сотиб олиш масаласи кўрилмаган.

«Ҳеч кимга сир эмаски, америкалик учувчисиз учиш аппаратлари ишлаб чиқарувчилари бу борада етакчилардан бири ҳисобланади, шунинг учун ҳам Ўзбекистонлик мутахассислар томонидан уларга маълум қизиқиш билдирилмоқда, бироқ бугунги кунга қадар «ПУМА – РҚ 20» учувчисиз учиш аппаратини сотиб олиш масаласи кўтарилмаган», дейилади хабарда.