Энди фуқаролар номига расмийлаштирилган ҳар қандай кредит ҳақида дархол смс-хабарнома олиши мумкин. Бу ҳақда КАТМ хабар берди.

Ушбу хизмат фуқароларга ўз номига расмийлаштирилган ҳар қандай кредит ҳақида дарҳол СМС хабар ва «КАТМ» мобиль иловасида ПУШ хабарнома олиш имконини беради.

Бу эса ўз ўрнида ноқонуний ёки шахс розилигисиз расмийлаштирилган кредитларни ўз вақтида аниқлаш имконини беради. Шунингдек, ушбу хизматни фаоллаштириши орқали фуқаролар ўзларининг кредит тарихи маълумотларини доимий равишда назорат қилиб бориши мумкин.

Барча маълумотлар «КАТМ» мобиль иловасида жамланган.

Ушбу хизмат пулли бўлиб, нархи – 4 614,40 сўм (ҚҚС билан)ни ташкил этади ва 365 кун муддатга амал қилади.