Қорақалпоғистон Республикаси ва Хоразм вилоятида табиий газ учун иситиш мавсумида белгиланган базавий меъёр 15 мартга қадар узайтирилди.

Бунга мазкур ҳудудларда март ойининг дастлабки 15-кунида ҳаво ҳароратининг паст бўлиши кутилаётгани сабаб сифатида кўрсатилган. Мазкур ҳолатда муддатнинг узайтирилиши билан аҳолини қўллаб-қувватлаш мақсад қилинган.

Таъкидланишича, Президент топшириғига асосан, Вазирлар Маҳкамаси томонидан иситиш мавсуми учун белгиланган 500 куб метр базавий меъёр ушбу икки ҳудуд учун 2026 йилнинг 15 мартигача амал қилади.

Маълумот учун, олдинроқ табиий газ учун базавий меъёр 100 метр/кубга туширилгани хабар қилинган эди.