Фарғона вилояти божхона бошқармасининг “Фарғона” чегара божхона пости, ушбу постнинг Шохимардон қишлоғига кириш қисмида жойлашган “Оқ-Қия” божхона пункти ҳамда “Сўх” чегара божхона пости 24 соатлик иш режимига ўтди. Бу ҳақда Божхона қўмитаси хабар берди.

Бунга қадар ушбу божхона постлари соат 06:00 дан 22:00 га қадар хизмат олиб борилган.

Ўтказиш пунктларининг иш режимидаги ўзгариш ёзги сайёҳлик мавсумида чегарадан ўтаётган фуқаролар учун янада қулай шароитлар яратишга қаратилган. Ушбу тартиб жорий йилнинг 1-октябрига қадар амал қилади.