Президент Шавкат Мирзиёевнинг тадбиркорлар билан очиқ мулоқоти давомида ушбу ташаббус соҳа вакиллари томонидан қизғин қўллаб-қувватланди.

Ҳар йили айнан шу куни Президентнинг бизнес вакиллари билан очиқ мулоқоти ўтказилиши анъанага айлантирилади. Бир йиллик ишлар натижалари сарҳисоб қилиниб, энг илғор бизнес вакиллари айнан шу куни давлат мукофотлари билан тақдирланади.

“Жорий йилдан бошлаб, иш ўрни яратишда, инновацияларни жорий қилишда солиқларни ўз вақтида тўлашда, экспорт қилишда, етук мутахассислар тайёрлашда барчамизга намуна бўладиган бизнес вакиллари ҳақида ҳар йили “Йилнинг илғор тадбиркорлари” китоби чоп этиб борилади.

Бундай тадбиркорларимизни муносиб тақдирлаш ва рағбатлантириш учун алоҳида давлат мукофотларини ҳам таъсис этамиз. Бундан буён тадбиркорларнинг ўз орден ва медаллари ҳам бўлади”, деди давлат раҳбари.