Ўзбекистон Республикасида хизмат кўрсатган артист Доно Бобохонова 80 ёшда вафот этди, деб хабар бермоқда Ўзбекистон давлат драма театри.

У 1946 йил 20 ноябрда таваллуд топган. Тошкент театр ва рассомлик институтини тамомлаб, “Ёш гвардиячилар” театрида фаолиятини бошлаган. 1996 йили “Ўзбекистон Республикасида хизмат кўрсатган артист” фахрий унвони билан тақдирланган эди.

Доно Бобохонова миллий саҳна санъати ривожига улкан ҳисса қўшган ҳамда бетакрор образлар яратган. Шунингдек, ижоди давомида “Тилим қурсин”, “Чол ва набира”, “Берлин-Оққўрғон” каби кўплаб фильмларда маҳоратли роль ижро этган.