Uzbekistan Airways авиакомпанияси 14-апрелдан бошлаб Тошкент–Тел Авив йўналиши бўйича мунтазам авиақатновларни қайта йўлга қўйди. Бу ҳақда Ўзбекистоннинг Исроилдаги элчихонаси хабар берди.

Қайд қилинишича, парвозлар ҳафтанинг душанба, сешанба ва пайшанба кунлари амалга оширилади.

Шунингдек, 3-майдан бошлаб якшанба кунлари Тошкент–Самарқанд–Тел Авив ҳамда Тел Авив–Тошкент йўналишлари бўйича қўшимча рейслар йўлга қўйилиши режалаштирилган.

Эслатиб ўтамиз, Uzbekistan Airways авиакомпанияси март ойи охирида Тел Авивга рейсларни мажбурий равишда бекор қилганди.