Мадагаскар президенти Андри Радзуэлина ўз мамлакатидан қочиб кетди. Бу ҳақда 13 октябрь куни мухолифат етакчиси ва бошқа ррасмийлар хабар берди, деб ёзади Reuters нашри. Бу ёш намойишчилар ҳукуматни ағдараётган дунё миқёсида иккинчи ҳолат саналади.

Парламентдаги мухолифат етакчиси  Ситени Рандрианасолониаиконинг нашрга берган маълумотига кўра, Президент мамлакатни якшанба куни армия бўлинмаларни тарк этиб, намойишчи ёшларга қўшилганидан кейин тарк этган. Аввалроқ президент администрацияси Радзуэлина душанба 13 октябрь куни халққа мурожаат қилиши кутилаётгани ҳақида хабар берган.

Reuters агентлигига харбий манба маълум қилишича, Радзуэлина мамлакатдан якшанба куни француз харбий вертолетида учиб кетган. RFI француз радиоси хабар беришича, у Франция президенти Эммануэль Макрон билан келишувга эришган.

Намойиш ҳақида

Намойишлар 25 сентябрь куни Франциянинг собиқ мустамлакасида сув ва электр энергияси танқислигидан келиб чиқиб, бошқа жиддий муаммолар, хусусан, коррупция, самарасиз бошқарув ва базавий хизматлар етишмовчилиги ортидан кенг қўзғалонга айланган.

Мадагаскар президенти Радзуэлина 2009 йилги давлат тўнтарилишида унга ҳокимиятни қўлга киритишга ёрдам берган CAPSAT элита бўлинмасининг қўллаб-қувватлашларини йўқотгач ўзини тобора яккаланиб қолган: ўтган дам олиш кунларида CAPSAT авиацияси намойишчиларга қўшилиб, уларга қарата ўқ узишдан бош тортганини айтади ва минглаб намойишчиларни пойтахтнинг асосий майдони Антананаривуга кузатиб қўйган.

Ҳуқуқ тартибот органлари билан тўқнашувларга, кўчаларнинг ёпилишига, сиёсатчиларнинг уйларига ҳужум ва талон-*тарожлик билан кечаётган Мадагаскардаги митинглар нафақат пойтахт Антананаривуда, балки мамлакатнинг яна 7 йирик шаҳарларида кузатилган. БМТ маълумотларига кўра, полиция намойишчиларни калтаклаган, шунингдек, кўздан ёш чиқарувчи газ ва ҳатто, ўқ-дорилардан ҳам фойдаланган. Бунинг оқибатида дастлабки 4 кунда камида 22 киши ҳалок бўлган, юздан ортиқ жароҳатланганлар бор.

Намойишларга жавобан Радзуэлина 29 сентябрь куни ҳукуматни тарқатиб юбориб, армия генерали Руфин Зафисамбни янги бош вазир этиб тайинлаган. Янги вазир агар йил давомида пойтахтда электроенергия ўчиши холатлари сақланиб қолса у ҳам истеъфога чиқишини ваъда қилган.

Янги бош вазир ўзининг илк чиқишида норозирлик намойишлари бошланганидан буён хавфсизлик кучлари томонидан юзага келиши мумкин бўлган хатолар юзасидан мустақил текширувлар ўтказишга ваъда берган. Шундан кейин ҳҳуқуқ-тартибот ходимлари эълон қилинган баёнотдаги "хато ва ошириб юбориш" холатларини тан олиб, армия ва жандармия ўртасида "биродарлик"ка чақирган.

Жорий йилнинг сентябрь ойида шунга ўхшаш намойишлар Непалда ҳукмрон элитага қарши ўтказилиб, вазирнинг лавозимдан кетишига сабаб бўлган эди.