“Ўзбекистон Республикаси Кончилик ва металлургия саноати ходимлари куни” муносабати билан “Ўзметкомбинат” АЖ тасарруфидаги Металлурглар Маданият саройида тантанали байрам тадбири бўлиб ўтди.

Тадбирда Бекобод шаҳар ҳокимлиги вакиллари, “Ўзметкомбинат” АЖ раҳбарияти, меҳнат фахрийлари ҳамда корхона ишчи-ходимлари иштирок этдилар.

Тадбир давомида бир гуруҳ илғор ишчи-ходимлар ҳамда меҳнат фахрийлари “Фахрий металлург” медали билан тантанали равишда тақдирланди. Шунингдек, ишлаб чиқариш ва касбий фаолиятда юқори натижаларга эришган ходимларга фахрий ёрлиқлар ва эсдалик совғалари топширилди.

Бундан ташқари, спорт мусобақалари, жумладан “Бошқарув раиси кубоги” мини-футбол мусобақаси ғолиблари ҳам алоҳида эътироф этилиб, муносиб тақдирланди. Байрамнинг бадиий қисмида таниқли санъаткорлар концерт дастурлари билан йиғилганларга кўтаринки кайфият улашдилар.