Ноябрь ойи якунланиши билан Жаҳон шахмат федерацияси рейтинги янгиланди.

Кучли 100 нафар шахмат устаси жой олган рўйхатга 5 нафар ўзбекистонлик гроссмейстер ҳам кирган.

Жумалдан, улар ичидаги энг яхши натижа Нодирбек Абдусатторовга тегишли бўлиб, у 2777 балл билан 6-ўринда банд этган.

Умумий 2685 балл олган Рустам Қосимжонов эса 43-ўриндан жой олган.

Жавоҳир Синдаров (2682 балл) ва Шамсиддин Воҳидов (2681 балл) 46- ва 47-ўринларга лойиқ кўрилган.

Нодирбек Яқуббоев ҳам кучли юзлик сафида бўлиб, у 2668 балл билан 60-ўринда қайд этилган.

Фото: FIDE

Маълумот учун, бу рейтингни ҳозирда 2831 балл тўплаган Магнус Карлсен бошқариб бормоқда.