Нодавлат таълим муассасалари учун 2025 йил 1 январгача берилган солиқ имтиёзлари муддати яна 5 йилга чўзилади. Яъни, имтиёз тугаш муддати 2030 йилнинг 1 январи этиб белгиланмоқда.

Шу ҳисобда, хусусий болалар боғчаси ва мактаблар барча солиқ ва йиғимлардан озод қилинади(Бироқ бунда ижтимоий солиқ назарда тутилмаган).

Шунингдек, хусусий боғча ва мактабларда фаолият юритаётган хорижий ўқитувчилар ва мутахассислар ҳам жисмоний шахслардан олинадиган даромад солиғи ва ижтимоий солиқдан озод қилинади.

Ушбу тартиб Солиқ кодексига тегишли ўзгартиришлар киритилгандан сўнг амалиётга жорий этилади.

Маълумот учун, таълим муассасалари учун берилган бундай имтиёз дастлаб 2021 йил 1 январгача берилган эди, кейин бу давр 2025 йил 1 январга қадар узайтирилди.