Рақобат қўмитаси томонидан қимор ва таваккалчиликка асосланган ўйинларни тарғиб қилишга қаратилган веб-сайтлар юзасидан доимий ўрганиш ва таҳлиллар олиб борилмоқда.

Хабарга кўра, яқинда ана шундай веб-сайтларнинг 30 га яқини блокланган.

Маълумот учун, қўмита рекламага оид қонунбузилишларга нисбатан тезкор чоралар кўриш мақсадида Ахборот ва оммавий коммуникациялар агентлиги билан ҳамкорлик йўлга қўйган бўлиб, бунда томонлар букмекерлик хизматларига оид рекламани тарғиб қилувчи веб-сайтларга киришни чеклаш (блоклаш) чоралари кўради.

Аниқлик киритилишича, амалга оширилган ишлар натижасида Рақобат қўмитаси томонидан букмекерлик хизматларни тарғиб қилувчи 42 та веб-сайтни блоклаш бўйича АОКАга таклифлар киритилган бўлган. Шундан 30 га яқин сайтга белгиланган тартибда чора кўрилган.

Хабарда блокланган платформалар ҳақида маълумот берилмаган.