25 ноябрь кунидан бошлаб Тошкентда «Зўравонликка қарши 16 кунлик фаол ҳаракат» глобал кампанияси бошланди. Бу ташаббус «Аёлларга нисбатан зўравонликка қарши халқаро кураш куни» муносабати билан ўтказилади.

«Бу кампания аёллар ва болаларга нисбатан зўравонликка барҳам бериш учун жамиятнинг барча қатламлари саъй-ҳаракатларини бирлаштириш зарурлигини эслатади», дейилади хабарда.

Кечадан бошлаб бир қатор ташкилотлар ушбу муҳим ташаббусни қўллаб-қувватлаш мақсадида ўз логотипини олов рангга ўзгартирди.

Маълумот учун, олов ранг — умид, ёруғлик ва зўравонликсиз келажак рамзи.