Кеча, 25 ноябрь куни Ўзбекистон Миллий Олимпия қўмитасининг навбатдаги 41-Бош Ассамблеяси бўлиб ўтди.

Унда ташкилий масала кўриб чиқилди.

Жумладан, Миллий олимпия қўмитаси раиси лавозимига Ўзбекистон Республикаси Президенти Шавкат Мирзиёев номзоди илгари сурилди ва бир овоздан сайланди.

Бош ассамблея МОҚ раисининг биринчи ўринбосари лавозимига эса Отабек Умаровни, раис ўринбосари лавозимига Шерзод Ташматовни, қўмита бош котиби лавозимига Ойбек Қосимовни сайлади.

Йиғилишда Ўзбекистон Республикаси Бош вазири Абдулла Арипов, Президент Администрацияси департаменти раҳбари Одил Абдурахманов, спорт вазири Адҳам Икрамов, Бош ассамблея аъзолари, шунингдек, федерация ва ассоциацияларнинг масъуллари ҳам қатнашди.

Тадбир давомида Қўмитанинг янгиланган устави ҳам тасдиқлаб олинди. Шунинг билан, МОҚнинг 41-Бош Ассамблеяси ўз ишини якунлади.