«Ҳудудий электр тармоқлари» АЖ истеъмолчиларга қулайлик яратиш мақсадида «НЕТ Billing Mobile» иловасини ишга туширди.

Илова «НЕТ BILLING» дастурий комплекси жорий этилиши доирасида ишлаб чиқилган бўлиб, у орқали истеъмолчилар бевосита истеъмол қилинган электр энергияси ҳисоби, хусусан, тўлов маълумотлари, кунлик электр энергия истеъмоли ва бошқа маълумотларни онлайн тарзда кузатиб бориши мумкин.

Мобил дастур Play Market'дан Android ҳамда IOS операцион тизими қурилмалари орқали бепул юклаб олинади. У автоматлаштирилган ҳолда янгилаб борилади.