Олий Мажлис Сенатининг парламент сайловидан кейинги биринчи мажлисида Сенат раиси ва унинг ўринбосарларини сайлаш тўғрисидаги ташкилий масала кўриб чиқилди.

Жумладан, Конституциянинг 101-моддасига мувофиқ, Президент Олий Мажлис Сенати раиси лавозимига сенатор Танзила Нарбаева номзодини тақдим этди.

Шунингдек, Сенат раисининг биринчи ўринбосари лавозимига сенатор Содиқ Сафоев, Сенат раисининг ўринбосари лавозимига сенатор Аманбай Оринбаев номзодлари тавсия этилди.

Мажлисда кўрсатилган номзодлар сенаторлар томонидан сайланди. Шавкат Мирзиёев уларни табриклаб, келгуси фаолиятига ютуқ ва муваффақиятлар тилади.