Ўзбекистон Республикаси Давлат байроғи қабул қилинган кун муносабати билан Республика Маънавият ва маърифат маркази, Ўзбекистон Маҳаллалари уюшмаси, Ёшлар ишлари агентлиги, Мудофаа Вазирлиги ҳамда Миллий Гвардия ҳамкорлигида ўзига хос лойиҳа амалга оширилмоқда.

Лойиҳа доирасида 100 метрлик Давлат байроғи Хоразм, Бухоро, Самарқанд, Жиззах вилоятларидаги қадимий биноларимиз қаршисидан олиб ўтилади ва 18 ноябрь куни пойтахтимизга етиб келади. Кеча старт олган лойиҳада байроқ ватанпарвар юртдошларимиз, ёшлар ва ҳарбийларимиз ҳамроҳлигида Жалолиддин Мангуберди ҳайкали ва Бухоронинг Арк қалъасидан олиб ўтилди ва айни вақтда Самарқанд вилоятига йўл олган.