1 декабрдан бошлаб Ўзбекистонда ичимлик ва оқова сув хизмати тўловлари фақат электрон шаклда қабул қилинади.

«Ўзсувтаъминот» таъкидлашича, соҳада шаффофликни таъминлаш ҳамда коррупцион ҳолатларга барҳам бериш мақсадида шундай чора қўлланилади. Эндиликда назоратчи ва сув таъминоти ходимларига тўловларни нақд пул кўринишида амалга ошириш тўхтатилади.

Истеъмолчилар тўловларни амалга оширишда ўзи учун қулай ва тезкор бўлган қуйидаги воситалардан фойдаланиши мумкин:

kabinet.uzsuv.uz шахсий кабинет орқали;
@uzsuvbot Telegram боти орқали;
Электрон тўлов тизимлари (Click, Paynet, Alif Mobi, Payme, Oson, Uzum Bank) ҳамда тўлов инфокиосклари ва тижорат банк кассалари ҳамда шохобчалари, почта бўлимлари орқали.