Тошкент метрополитенининг 9 та бекатида ҳожатхоналар ташкил этилади, дея хабар бермоқда компания матбуот хизмати.

Бунгача метрополитеннинг “Чилонзор” бекатида синов тариқасида она ва бола хонаси ҳамда ҳожатхона ишга туширилган. “Йўловчилар томонидан ушбу қулайлик илиқ кутиб олингани ва синов жараёнлари ўзини оқлади”, дейилади хабарда. Шу тариқа бошқа бекатларга нисбатан йўловчилар билан гавжум бўлган яна 9 та метро бекатида она ва бола хонаси ҳамда ҳожатхона қурилиши учун зарур ишлар амалга оширилиши бошланган. Булар айнан қайси бекат экани ҳозирча маълум эмас.