Сирдарё вилояти Ховос тумани ҳокимининг собиқ ўринбосари 7 йилга озодликдан маҳрум этилди. Бу ҳақда Давлат хавфсизлик хизмати матбуот хизмати хабар берди.

Амалдор 2024 йилнинг май ойида қишлоқ хўжалиги маҳсулотлари етиштириш ва экспорт қилиш билан шуғулланувчи корхонага тегишли ерларни ҳокимлик захирасига олмаслик эвазига 20 минг доллар талаб қилган. Шу билан бирга, у ташкилот фаолиятига ҳеч ким аралашмаслигини таъминлаши керак бўлган, бироқ 1000 доллар олган вақтида қўлга олинган.

Мансабдор шахсга нисбатан Жиноят кодексининг 25,168-моддаси 4-қисми “а” банди билан (Жуда кўп миқдорда фирибгарлик), шунингдек, 28,211-модда 3-қисми “а” банди билан (Жуда кўп миқдорда пора бериш) билан жиноят иши қўзғатилган.