Қозоғистон Республикаси Молия вазирлиги давлат органларига ўз ходимларини мукофотлаш учун маблағларни ички ҳисобрақамларга ўтказишни тақиқлаб қўйди.

Бу ҳақда мамлакат молия вазири Мади Такиев маълум қилган.

«Агар давлат идорасида иқтисод қилинган маблағлар бўлса, унда бу пулларни мукофот сифатида ўтказиш мумкин эмас. Ушбу пуллар бюджетга қайтарилади», – деган Такиев.

Шу билан бирга, у давлат хизматчиларига ички манбалардан мукофот бериладими деган саволга ҳам жавоб қайтарган.

«Йўқ, мукофот бўлмайди. Биз пулларни мукофотга йўналтириш мумкин бўлган 112 кодини ёпдик», – дея қўшимча қилган вазир.