Тошкентга тўртта кириш дарвозасининг эскиз концепциясини ишлаб чиқиш бўйича очиқ халқаро танлов бошланди.

«Лойиҳа замонавий ва анъанавий ғоялар уйғунлашган Тошкентни ўзгартириш йўлидаги яна бир қадам бўлиши керак,» – дейилади «Ташкент Инвест» компанияси хабарида.

Дарвозани ўрнатиш бўйича қурилиш ишларини 2024 йилдан бошлаш режалаштирилган. Улар тўртта ҳудудда қурилади:

Паркент ва Оҳангарон шоссесининг кесишган жойида «Роҳат» пости;

«Хутон» масжиди ёнидаги «Бектемир» пости;

«Абу Сахий» бозори яқинидаги «Эркин» пости;

«Уч қаҳрамон» пости Амир Темур шоҳкўчаси ва Катта ҳалқа йўли чорраҳаси яқинида.

Танловда иштирок этиш учун 2024 йил 7 ноябрдан кечиктирмай танловнинг info@tashkentinvest.com электрон манзилига ариза юборишингиз лозим.

2024 йил 31 октябрда аризаларни қабул қилиш бошланади, 7 ноябрь эса қабул якунланади. 2024 йил 11 ноябрь финалчилар эълон қилинади, 30 ноябрь куни танлов ғолиби эълон қилинади.

Танлов ЮНEСКО тавсияларига мувофиқ ўтказилади ва ғолиблар қуйидаги мукофотлар билан тақдирланади:

Биринчи ўрин — 100 млн сўм;

Иккинчи ўрин — 50 млн сўм;

Учинчи ўрин — 30 млн сўм.