Сеул шаҳрида ОФК томонидан ўтказилаётган йилнинг энг яхшиларини аниқлаш маросимида Ўзбекистон миллий терма жамоаси аъзоси Аббосбек Файзуллаев қитъанинг энг яхши ёш футболчиси деб тан олинди.

Маълумот учун, ушбу совринни қўлга киритиш учун 3 нафар номзод кўрсатилган эди:

▪️ Аббосбек Файзуллаев (Ўзбекистон)

▪️ Гаку Накавата (Япония);

▪️ Бае Жун Хо (Жанубий Корея).

Якунда Файзуллаев бу совринни қўлга киритадиган бўлди.

Файзуллаев ушбу мавсумда Қатарда бўлиб ўтган У-23 Осиё Кубоги ва Олимпиадада иштирок этди. Шунингдек, у Ўзбекистон миллий терма жамоаси сафида ҳамда Москванинг ЦСКА жамоаси таркибида ҳам яхши ҳаракат қилиб, мухлислар олқишига сазовор бўлди.