2024 йилнинг иккинчи ярмида ўтказиладиган аттестация олдидан педагогларни қўллаб-қувватлаш ҳамда уларнинг синовларга тайёргарлик кўриши учун шароит яратиш мақсадида умумтаълим фанлари бўйича диагностика тестлари ташкил этилмоқда.

Маълум бўлишича, педагоглар аттестацияси бўйича диагностика тестларини энди Қорақалпоқ тилида ҳам амалга ошириш мумкин бўлади.

Хабарга кўра, бундай қулайликни яратишда кўплаб педагогларнинг талаб ва истакларига эътибор қаратилган.

Маълумот учун, тест синовларида педагогнинг мутахассислик фани бўйича 35 та, касб стандартидан 5 та, илғор педагогик услуб ва технологияларни қўллаш бўйича 10 та топшириқ берилади.

Мазкур жараёндан кўзлаган мақсад эса педагогларга ҳақиқий аттестация муҳитини яратиб беришдир.

Тест саволлари Мактабгача ва мактаб таълими вазирлиги томонидан эълон қилинган адабиётлар рўйхати асосида шакллантирилади.