Фото: Ижтимоий ҳимоя миллий агентлиги

Россия Федерацияси (2 нафар) ва Хитой Халқ Республикаси (1 нафар) ҳудудида ота-она қарамоғисиз қолган болалар Ўзбекистонга олиб келинди.

Ижтимоий ҳимоя миллий агентлиги томонидан мазкур оилалар ва уларнинг Ўзбекистондаги яқин қариндошлари олдиндан ўрганиб чиқилган бўлиб, ҳозирда улар оғир турмуш шароитида қолдирилган дея баҳоланмоқда.

Эндиликда уларга боланинг эҳтиёжларидан келиб чиққан ҳолда психологик ёрдам, ҳуқуқий маслаҳатлар, ўқишга жойлаштириш ва бошқа хизматларни ўз ичига олган комплекс ижтимоий хизматлар кўрсатилади.

Маълумот учун, октябрь ойининг шу кунига қадар хорижда ота-она қарамоғидан маҳрум бўлган жами 11 нафар бола Ўзбекистон Республикасига қайтарилган.

Яқин кунларда Россия Федерациясидан яна бир гуруҳ болалар Ўзбекистонга қайтарилиши режалаштирилмоқда.