Маълумки қўшни Қозоғистонда давлат тили қозоқ тили ҳисобланади. Ҳукумат тилга муносабатни кучайтириш учун жиддий чоралар кўрмоқда.

Жумладан, 2024 йилнинг 8 октябрь куни Қозоғистон Республикаси Фан ва олий таълим вазирлиги мамлакат фуқаролигини олиш учун янги талабларни тасдиқлади.

Ҳужжатга кўра, Қозоғистон Республикаси фуқаролигини олиш ёки тиклашда давлат тилини билиш даражаси белгилаб қўйилган. Яъни, энди қозоқ тилини билиш даражаси 36 баллдан, давлат конституция асослари билиш даражаси 9 баллдан, шунингдек, Қозоғистон тарихи билиш даражаси 15 баллдан кам натижа кўрсатганларга фуқаролик берилмайди.

Буйруқ биринчи расман эълон қилинган кундан бошлаб кучга киради.