Бандлик вазирлиги Хотира ва қадрлаш куни байрами муносабати дам олинадиган саналарни маълум қилди.

Унга кўра, қуйидаги кунлари иш куни ҳисобланмайди:
▪️ 9 май (шанба)  — Хотира ва қадрлаш куни;
▪️ 10 май (якшанба) — дам олиш куни;

11 май (душанба) эса 5 кунлик иш ҳафтасида ишловчилар учун дам олиш, 6 кунликлар учун иш куни бўлади.

«Шунингдек, май ойи якунида муборак Қурбон ҳайитини нишонлаш тўғрисидаги қарорга мувофиқ, дам олиш саналари расман эълон қилинади», дейилади хабарда.

Маълумот учун, Меҳнат кодексининг 208-моддасига асосан дам олиш куни ишланмайдиган байрам кунига тўғри келган тақдирда, дам олиш куни байрамдан кейинги иш кунига кўчирилади.