МДҲнинг «Меҳнат шуҳрати шаҳри» унвони биринчи бўлиб Боку ва Тошкентга берилиши мумкин.

ТАСС берган хабарга кўра, мазкур номни беришда шаҳарни танлаш бўйича таклифлар Ҳамдўстлик давлатлари томонидан киритилади.

МДҲ Бош котиби Сергей Лебедев бундай шаҳарлар кўплигини маълум қилди.

«Мазкур лойиҳани ишлаб чиқиш жараёнида уларнинг номлари кўрсатилган – булар Боку, Тошкент ва кўплаб саноат корхоналари кўчирилган [уруш даврида] бошқа пойтахтлардир», — дейди у.

Лебедев, шунингдек, гуманитар ҳамкорлик кенгаши бу таклифларни кўриб чиқиши, сўнг тасдиқлаш учун давлат раҳбарлари кенгаши йиғилишига киритилишини қўшимча қилган.