Ижтимоий тармоқларда тарқалган суратга кўра, ЎзМУ талабаси жорий йилнинг 7 октябрь санасида хаёл билан бўлиб, Маънавий-маърифий ишлар бўйича декан ўринбосари ва бошқа устозларга салом бермагани учун узр сўраб тушунтириш хати ёзган.

Сурат кенг жамоатчилик муҳокамасидан тушмагач Миллий университети расмий муносабат билдириб, бундай ҳолат университетда содир бўлмаганини маълум қилди.

«Ижтимоий тармоқларда тарқалган хабар ва постларга жавобан шуни маълум қиламизки, Ўзбекистон Миллий университетида ёшлар билан ишлаш бўйича декан ўринбосари ва бошқа устозларга салом бермагани учун ҳеч қандай масъул томонидан талабадан тушунтириш хати ёздириб олинмаган», дейилади муносабатда.

Шунингдек, университет матбуот хизмати талабаларнинг устозларга ҳурмат билан муносабатда бўлиши, салом бериши ёки бермаслиги уларнинг шахсий маданиятига тааллуқли масала ҳисобланишини ҳам таъкидлаган.