Андижон шаҳридаги 4-умумтаълим мактабининг 4-синф ўқувчиси Муҳаммадсаид Турсунов инглиз тили фанидан 7.0 баллик IELTS сертификатини қўлга киритди.

Маълумот учун, у 2014 йил Андижон шаҳрида ўқитувчилар оиласида туғилган. 2021 йилда ўрта мактабга қабул қилинган.

Математика ва ахборот технологиялари фанига қизиқадиган Муҳаммадсаид сузиш, акробатика ва муай-тай спорт турлари билан ҳам шуғулланади.

У 2023 йил февраль ойидан бошлаб инглиз тилидан қўшимча дарсларга қатнашиб келаётган эди.

Якунда IELTS 7 сертификатини олган Муҳаммадсаид келгусида таълим соҳасини ривожлантиришда хизмат қилишни ва махсус янги платформа яратишни мақсад қилган.