Нижний Новгород вилоятида жорий йилнинг 1 октябридан ушбу вилоятга визасиз мамлакатлардан келган хорижий фуқароларга, шу жумладан, ўзбекистонликларга ҳам меҳнат патенти берилишини тўхтатиш чораси жорий этилди, деб хабар берди Ўзбекистон Республикасининг Россиядаги элчихонаси.

Таъкидланишича, ҳудудда аввалроқ патент олган фуқаролар меҳнат фаолиятини давом эттириши ва зарурат туғилганда мазкур ҳужжатни қайта расмийлаштириши мумкин бўлади.

Фуқаролардан, зарур бўлган ҳолатда, қўшимча маълумот олиш учун Ўзбекистон Республикасининг Қозондаги Бош консуллигига (+7 (843) 526-55-63) ҳамда Ўзбекистон Ташқи меҳнат миграцияси агентлигининг Москвадаги ваколатхонасига (+7 (925) 045-47- 44, +7 (926) 162-94-95.) мурожаат қилиши сўралади.