Самарқанд давлат архитектура-қурилиш институти ҳудудида ёнғин юз берди.

Самарқанд Фавқулодда вазиятлар бошқармасининг маълум қилишича, кеча, 1 октябрь тунида Самарқанд шаҳар «Лолазор» кўчасида жойлашган олийгоҳга тегишли янгидан қурилаётган (қурилиши тугалланмаган) фаоллар залида ёнғин содир бўлган.

Бошқармага ҳодиса ҳақида чақирув хабари соат 23:45 да келиб тушган.

Хабарга асосан жалб қилинган 6 та ёнғин қутқарув экипажи соат 23:54 да воқеа жойига етиб борган ва соат 00:30 да ёнғин тўлиқ бартараф этилган.

Аниқланишича, ёнғин натижасида эски қурилиш маҳсулотлари ёниб, зарарланган.

Ҳозирда терговга қадар текшириш ишлари олиб борилиб, ёнғиннинг келиб чиқиш сабаби аниқланмоқда.