Ушбу тадбир Британия музейида 2024 йил 26 cентабрдан 2025 йил 23 февралгача бўлиб ўтади.

Бу кўргазма Британия музейи ҳамда Маданият ва санъатни ривожлантириш жамғармаси ўртасидаги Ўзбекистон архивлари билан уч йиллик меҳнатдан сўнг якунланган илк ҳамкорлик самараси бўлди.

Ю-Пинг Люк кураторлигидаги кўргазма 29 та коллекциянинг 300 дан ортиқ экспонатларидан иборат бўлиб, Ипак йўли тарихи мобайнида мавжуд бўлган ўзаро маданий алоқаларга урғу беради. Намойишга қўйилган буюмлар орасида Афросиёб, Варахша саройлари ва Кофирқалъа қўрғонига мансуб рангтасвир панно парчалари, Самарқанд вилоятидан уй-рўзғор буюмлари ва шахмат доналари ҳам бор. Қопқоқли суякдон, сўғд ёзуви туширилган кумуш идиш, Кофирқалъа харобасига оид кўза ва бошқа ноёб археологик топилмалар алоҳида диққатга сазовордир.