Жорий ўқув йилида талабалар сафига қабул қилинган ва талабалар турар жойи билан қамраб олинмаган биринчи босқич талабалар учун 24–27 сентябрь кунлари ижара тўловининг бир қисмини қоплаб берилиши юзасидан онлайн ариза юбориш имконияти яратилди.

Маълумот учун, “талабалар турар жойи билан қамраб олинмаган” дейилганда ётоқхонада туришга эҳтиёжи бор, аммо жойлар сони чекланганлиги сабабли ижарада туришга мажбур бўлган талабалар тушунилади.

Шу боис, хабарда ўз ихтиёрига кўра ижарада турувчиларга компенсация тўловлари белгиланмаслиги эслатиб ўтилади.

Хабарга кўра, аризалар вазирликнинг kontrakt.edu.uz платформаси орқали фақат онлайн қабул қилинади.