Шавкат Мирзиёев раҳбарлигида ўтаётган йиғилишда ташқи меҳнат миграцияси соҳасида очилаётган улкан имкониятларни тўлиқ ишга солиш зарурлиги таъкидланди.

Шу муносабат билан Ташқи меҳнат миграцияси агентлиги Ҳукумат бўйсунувига ўтказиладиган бўлди. Унинг раҳбари эса Беҳзод Мусаев бўлади.

Фуқароларнинг хориждаги юқори даромадли меҳнат бозорларига кириши бўйича бошланган ишларни жадаллаштириш ҳам айнан агентлик зиммасига юклатилди.

Шунингдек, энди ҳокимлар ва хориждаги дипломатик ваколатхоналар хорижда меҳнат қилаётган юртдошларимиз тақдири учун агентлик билан тенгма-тенг жавобгар бўлади.

Маълумот учун, Мусаев бунгача Камбағалликни қисқартириш ва бандлик вазири сифатида ишлаб келаётган эди.