Икки нафар мактаб ўқувчиси инглиз тили бўйича нуфузли сертификатни олишда энг юқори баллни тўплади

Жумладан, Наманган шаҳар 1-сон ихтисослаштирилган мактабининг 9-синф ўқувчиси Камила Акрамова IELTS'дан 8,5 баллик сертификатга эга чиқди.

Шунингдек, Андижон шаҳридаги 43-умумтаълим мактаби 10-синф ўқувчиси Дилобар Абдувахобова ҳам халқаро IELTS сертификати учун ўтказилган имтиҳонлардан жами 8,5 баллни қўлга киритди.

Маълумот учун, Ўзбекистонда халқаро имтиҳонларда юқори балл олган ёшлар сони ошмоқда.

Масалан, 2024 йилнинг январь август ойлари статистикасига кўра, халқаро имтиҳонлар учун жами 15 324 та ариза топширилган бўлиб, бу кўрсаткич ўтган йилнинг мос даври билан солиштирилганда, 25 фоизга кўп.

Бунда энг кўп аризалар IELTS сертификатини олиш учун бўлган – 9449 та. Шундан 7096 таси давлат томонидан молиялаштирилган.