Бирлашган Миллатлар Ташкилоти Бош ассамблеяси 18 сентябрь, чоршанба куни Исроил ўз кучларини Фаластин ҳудудларидан олиб чиқишини талаб қилувчи резолюцияни қабул қилди.

Фаластин давлати ҳамда бошқа ўнлаб давлатлар ҳамкорлигида қабул қилинган резолюцияни 124 та давлат делегациялари ёқлаган бўлса, 43 давлат бетарафлигини билдирган. 14 давлат эса қарши чиққан.

Резолюцияни қабул қилган давлатлар орасида Ўзбекистон ҳам бор.

Хабарга кўра, Халқаро Адлия Судининг маслаҳат хулосасига таянган ҳолда, ҳужжатда Исроилдан “босиб олинган Фаластин ҳудудидаги ноқонуний ҳаракатларига зудлик билан чек қўйиш” талаб қилинган. Талабни “мазкур резолюция қабул қилинганидан кейин 12 ойдан кечикмай” бажариш кўрсатилган.