Маълум бўлишича, давлат белгисининг ҳақиқий эгаси ўзи бўлмаган жойларда ҳам жарималарга тушган.

Андижон вилояти ЙПХХънинг хабар беришича, 2024 йил 17 сентябрь куни 60 J 714 YA давлат белгисига эга Малибу автомобили эгаси ўзи бормаган жойларда ҳам қоидабузарликларга тушаётгани юзасидан мурожаат қилган.

Фарқловчи белгилар ўрганиб чиқилиб, шубҳа уйғотгани сабаб тезкорлик билан қидирув-суриштирув ишлари бошланган.

«Кўрилган чора-тадбирлар давомида сохта давлат белгиси ясаб, ундан фойдаланиб келаётган фуқаро автомобили қўлга олиниб, жарима майдончасига қўйилган. Ҳолат юзасидан суриштирув ишлар олиб борилмоқда», дейди ЙПХХ масъули.