Ушбу курслар ўзбек тилини ўрганмоқчи бўлганларга бепул ўтилади.

Алишер Навоий номидаги Тошкент давлат ўзбек тили ва адабиёти университети ҳузуридаги Давлат тилида иш юритиш асосларини ўқитиш ва малака ошириш марказида ўзбек тилини ўрганувчилар учун «Ўзбек тили» курслари ташкил этилди.

Ўқув машғулотлари учун ҳеч қандай тўловлар талаб қилинмайди. Ўқув курсининг афзаллиги:

жонли мулоқот, анъанавий дарслар;

— 10-12 нафарли кичик гуруҳлар;

— 144 соатга мўлжалланган махсус ўқув дастури;

— барча қулайликларга эга замонавий ўқув хоналари;

— малакали мутахассисларнинг қизиқарли дарслари;

— даражали сертификат.