Россиянинг Уфа шаҳрида бўлиб ўтган «Ҳамдўстлик юлдузлари» тақдирлаш маросимида Юлдуз Усмонова «Маданият ва санъатга қўшган улкан ҳиссаси учун» номинацияси бўйича мукофотланди. Бу ҳақида ТАСС хабар берди.

Шунингдек, мазкур мукофотлар Озарбайжон халқ артисти Сакит Мамедов ҳамда Қозоғистон Миллий драма театри актёри Тунгишбай Жаманқуловга ҳам берилган.

Маълумот учун, «Ҳамдўстлик юлдузлари» халқаро мукофоти МДҲга аъзо давлатлар гуманитар ҳамкорлик кенгаши томонидан 2009 йилда таъсис этилган.

У МДҲга аъзо давлатлар вакилларига ҳамдўстлик ривожланишига ҳисса қўшгани учун берилади.

Мукофотнинг пул эквиваленти 2 миллион рублни ташкил этади.