«UzAuto Motors» АЖ бош директори, швециялик Бо Инге Андерссонга иш ҳақининг 5% миқдорида жарима тариқасидаги интизомий жазо чораси қўлланилди. Бу ҳақдаги Истиқболли лойиҳалар миллий агентлиги корпоратив ахборот ягона порталида маълум қилинди.

Бунга у АЖнинг ташқи савдо операциялари бўйича муддати ўтган дебитор қарздорликларини ўз вақтида бартараф этиш чораларини кўрмагани сабаб бўлган.

Бунинг оқибатида хорижлик мутахассисга нисбатан Ўзбекистон Республикаси Меҳнат кодексининг 312-моддасига асосан интизомий жазо чораси кўрилган.

Мазкур қарор ижросини таъминлаш чораларини кўриш АЖнинг Ходимлар билан ишлаш департаменти директори (И.Абдуллаев) ва Молия директорига (И.Раджабов) юклатилган.