2024 йил 1 сентябрдан бошлаб раҳбар ва педагог кадрларига устама тўланадиган мактаблар рўйхати тасдиқланди.

Қўшимча пул маблағлари бир календарь йили давомида тўлаб борилади.

Хабарда таъкидланишича, мазкур амалиёт Вазирлар Маҳкамасининг 2024 йил 6 майдаги 263-сон қарори ижросини таъминлаш мақсадида жорий қилинган бўлиб, эндиликда Мактабгача ва мактаб таълими вазирининг 2024 йил 30 августдаги 286-сон буйруғига биноан ўқитиш ва билимни баҳолашнинг янги тартибини самарали жорий этган, ўқувчилари ижобий кўрсаткичларни қайд этаётган умумий ўрта таълим мактаблари раҳбарияти ҳамда ўқитувчиларига ўқув йили давомида (мазкур буйруқда белгиланган миқдорда) устамалар тўланади.