Футбол бўйича Жаҳон чемпионатининг 3-саралаш босқичи 2-тур доирасидаги баҳслар якунига етди. Sofascore мазкур тур учрашувларида қатнашган ўйинчиларнинг рамзий жамоасини тузди.

Унда Ўзбекистон миллий терма жамоасининг 2 нафар аъзоси – Элдор Шомуродов ва Ҳусниддин Алиқулов ҳам ўрин олган.

2-турда Қирғизистон терма жамоасига 1-голни киритган Шомуродов рамзий рўйхатда 8.4 балл олган. Учрашувнинг муҳим 2-голига муаллифлик қилган ҳимоячи Алиқуловнинг ҳаракатларига эса 8.0 балл берилган.

Фото: Sofascore

Маълумот учун, Ўзбекистон миллий терма жамоаси 2-турда Қирғиз Республикаси меҳмони бўлиб, якунда 2:3 ҳисобида ғалаба қозонган эди.