Санкт-Петербургда ота-онаси ва қонуний вакиллари мавжуд бўлмаган 14 нафар вояга етмаган фуқаро Ватанга қайтарилди, дея маълум қилди «Дунё» АА.

Хабарга кўра, аксарият болаларнинг ота-оналари муқаддам Россия ҳудудида бўлиш тартибини бузганлиги сабабли мамлакатдан чиқариб юборилган.

Таъкидланишича, болаларни Ўзбекистонга қайтариш учун Бош консулхонада гувоҳномалари расмийлаштирилган ва Ўзбекистон Ички ишлар вазирлиги масъул ходимларига топширилган.

Якунда Санкт-Петербург давлат бюджет ташкилоти етим болалар ва ота-она қарамоғисиз қолган болаларни сақлаш марказига ўзбекистонлик болаларга кўрсатган ғамхўрлиги ва яқиндан ҳамкорлиги учун алоҳида миннатдорлик билдирилган.