Эртага, 10 сентябрь куни ЖЧ-2026 3-саралаш босқичи 2-тур доирасидаги баҳсда Ўзбекистон терма жамоаси Қирғиз Республикасида меҳмон бўлади.

Ўзбекистон футбол ассоциациясининг маълум қилишича, бугун, 9 сентябрь куни Қирғиз Республикаси – Ўзбекистон ўйини олдидан жамоалар расмийлари иштирокида учрашув ташкил этилган.

Йиғилишда ОФК вакиллари ва маҳаллий ташкилий қўмита томонидан иштирокчиларга ўйинга оид бир қатор масалалар, жумладан, медиа, маркетинг, тиббиёт ва хавфсизлик йўналишлари юзасидан тушунтириш ва эслатмалар бериб ўтилган.

Хабарга кўра, мазкур баҳсда Ўзбекистон терма жамоаси тўлиқ кўк либосда, дарвозабон эса яшил либосда ҳаракат қилади.

Ўйин Тошкент вақти билан 19:00'да бошланади.