Кеча, 8 сентябрь куни Франциянинг Париж шаҳрида XVII ёзги Паралимпия ўйинлари ўз якунига етди.

28 август – 8 сентябрь кунлари ташкил этилган мусобақаларда Ўзбекистон делегацияси муваффақиятли иштирок этиб, 10 та олтин, 9 та кумуш ва 7 та бронза – жами 26 та медални қўлга киритди.

Мазкур кўрсаткич мамлакат тарихидаги энг яхшиси бўлиб, делегация умумжамоа ҳисобида 13-ўринни эгаллади.

Бу билан Ўзбекистон Осиё мамлакатлари орасида Хитой ва Япониядан кейин учинчи, Марказий Осиё, Ислом бирдамлиги ва Туркий давлатлар ташкилотига аъзо мамлакатлар орасида эса энг яхши натижага эга бўлди.

Мусобақада иштирок этган Ўзбекистон делегацияси бугун Ватанга қайтиб келади.