Тошкентда Скрап-арт услубида Ара тўтиқуши тайёрланди.

Скрап-арт – турли чиқиндилар, эски буюмлар ёки фойдаланилмаётган материаллардан санъат асарларини яратиш услуби ҳисобланади.

Бу санъат турида эски, кераксиз бўлган буюмлар, хусусан, металл, пластмасса, ёғоч, ва бошқа чиқиндилар қайта ишланиб санъат асарларига айлантирилади. Бу чиқиндиларнинг тўпланишига қарши курашишда ёрдам беради ва экологик онгни оширади. Қайта ишлаш орқали ресурслардан самарали фойдаланиш рағбатлантирилади.

Бу турдаги санъат кўпинча экологик масалаларга эътибор қаратишга ёрдам беради. Скрап-артнинг намойиши ва кўргазмалари одамларни чиқиндиларни камайтириш, қайта ишлаш ва экологик масъулият ҳақида ўйлашга ундайди.